我係個未婚媽媽..而家比男朋友家人趕走..我同男朋友現左可以點呢???

題:

2006-10-17 12:28:38 UTC

本人係個未婚媽媽..而家有左bb八個月喇..
初初我地有左bb係一件好開心既事..點之..
係三個月前..我男朋友屋企人同我地講..
要我生之前(者係十二月前)一定要搬走..
如果唔係就將我地d野拋出街..
我同男朋友而家冇咩錢可以搵屋搬
但我地現在正係想要間屋..可以容納到我同男朋友and bb
我想問..
如果我同男朋友想搵社署幫..唔知佢地會唔會幫到我地呢..

七答案:

Cindy

2006-10-17 12:33:35 UTC

幫助未婚懷孕少女及家庭，解決因懷孕所帶來的種種問題

未婚媽媽輔導熱線電話：28682022

meil

2006-10-17 17:37:23 UTC

唉我好唔明..個個都做未婚媽媽..個bb呢..有冇諗過bb呀..你而家叫你男朋友找工做啦..做咩都要做嫁啦..辛苦都要做唔好有怨言..人工小都要做呢個係你地2個的錯同bb無關..有計劃有經濟生先開心而家我感覺唔到一點喜悅..我反而擔心你bb..唔好下下都諗住政府啦..有手有腳....我個朋友又係..男朋友仲走埋..個bb就慘喇..而家又產前益屈..社署又唔批又話死都要bb爸爸出現..死唔死呀..我諗你快d叫你男朋友做野你生完再去做bb叫你家人睇..唔好比借口自己唔做野..

2006-10-17 12:49:05 UTC

我想問你點解選擇做未婚媽媽?

因為愛!

但你有冇諗過bb既存在對你同男朋友既影響!

不論生活費，心機，時間！

呢啲都好重要！

依家就係住宿問題姐，但將來既供書教學又點呀！

你認真要諗清楚所有問題！

（但我唔係暗示落咗去，但點解冇諗清楚就做！）

將來會產生好多鬧交既情況！

Susanna

2006-10-17 12:45:21 UTC

有左八個月, 你男朋友屋企同佢地住得好好地, 突然間叫你地走, 一定係有D原因, 唔係無拉拉架喎,

我建議你先查查以下的問題

你男朋友家人要你地搬的原因

你和男朋友有否工作收入

你們有否打算結婚

BB由誰來照顧

如果你和男朋友如果沒有做錯, 確定是男朋友家人的無理, 又真係做得太絕的話, 你可以走, 找一個細地方住, 佢不仁你不義, 說明自己BB自己處理, 以後呀爺呀麻都唔會比BB叫, 生左都唔見, 叫佢地當從來無呢個孫仔孫女

2006-10-17 12:36:53 UTC

直接去社署問LA, 唔幫都有好既意見比你.

你&你男朋友有冇工作? 再唔係你去MOTHER CHOICE先, 男朋友佢自己諗住辦法先啦, 你而家8個月了, BB隨時出生架傻妹, 起碼你同BB有個地方落腳嘛

Runling

2006-10-17 12:34:11 UTC

你好似冇講你幾多歲喎...

三十歲o既未婚媽媽....唔會有人理你啦

如果你係16 歲, 社署可能會幫下o既.

如果你廿幾歲, 自己諗方法啦.

拿拿聲叫男朋友搵野做,幾千得幾千.

搵d 旺角呀, 土瓜灣呢d 平d o既地方, 租屋住囉. 都係二千幾蚊.

唔係點呀, 自己做左d 野要諗後果, 同埋負責架.

2006-10-17 12:34:08 UTC

介唔介意講你地幾多歲呀!?

佢屋企人真係好過分..好冇人情味..你有冇同佢地傾下呀!?

再者..點解你唔同返你自己屋企人商討?!我相信你屋企人一定唔會見死不救..

你都可以搵社工or家計會幫助..睇下佢地比咩意見你啦..

或者你都可以add我email..我識d社工..

ⓘ

此內容最初發佈在 Y! Answers 上，這是一個於 2021 年關閉的問答網站

关于 - 法律